د کابل سيند حريم له ۵۰۰ جريبو زياتې ځمکې د مالکيت حق تثبيت وشو
ښار جوړولو او ځمکو وزارت د کابل سيند حريم اړوند ۵۴۲ جريبه ځمکې د مالکيت حق تثبيت وکړ.
دا ځمکه په پنځمه او ۱۳مه ناحيه کې موقعيت لري چې له سه بنګي قريې څخه نيولې تر اُنچي باغبانان پورې غځېدلې له جملې یې ځمکه ۱۳۰ جريبه دولتي او ۴۱۲ جريبه يې شخصي ځمکه ده.
د ښار جوړولو او ځمکو وزارت د استملاک عمومي رياست تر اوسه د پنځمې ناحيې اړوند له پل کمپنۍ سيمې څخه تر پل سوخته پورې د ۹۳۴ جايدادونو د مالکيت حق د تثبيت چارې بشپړې کړي او کابل ښاروالۍ ته يې د استملاک په موخه ليږلي.
