د کابل اتمې ناحیې اړوند نوي جوړېدونکي سړک کې سرغړونې شوي
۱۴۴۶/۰۷/۲۷
د کور او ښار جوړولو وزارت له ښاري سرغړونو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي او مسلکي ټیم یې د کابل په اتمه ناحیه (سید نورمحمد شاه) مېنه کې د نوي جوړېدونکي سړک له چارو څارنه وکړه.
ښاغلی مولوي حقاني وایي، اتمه ناحیه سید نورمحمد شاه مېنه کې نوی جوړېدونکی سړک چې د (60) شپېته متره پلنوالي او (2630) متره اوږدوالي په خصوصیاتو ډیزاین شوی چې، د درېیمې کارته له سړک پیلېږي او تر تپې سرته رسېږي.
نوموړی وایي، عبوري لارې یې له مخکې جوړې شوې دي، خو سلو لاین (کم چټکه کرښه) یې اوسمهال جوړېږي چې، ځینې سرغړونې په کې شوې دي.
د ګولایي برخه کې د پلي لارو تنګېدل، په همدغه ګولایي برخه کې د سلو لاین (کم چټکه کرښه) تنګېدل او د کارته نو مسجد ساحه کې داخله ګولایي تنګېدل هغه تخلفات دي چې ترسره شوي دي.
د کور او ښار جوړولو وزارت له ښاري تخلفاتو جدي مخنیوی کوي او په د یادو مواردو په تړاو یې اړوندو مسؤلینو ته معلومات ورکړي چې، د حل برخه کې یې رغنده ګامونه پورته کړي.
