د ښار جوړولو او ځمکو وزارت ښاغلي وزیر مولوي حمد الله نعماني له یو شمېر هېوادوالو سره وکتل او په بېلا بېلو موضوعاتو یې خبرې وکړې
د ښار جوړولو او ځمکو وزارت سرپرست ښاغلي مولوي حمد الله نعماني له بیلا بیلو ولایتونو څخه راغلو هېوادوالو سره وکتل، د هغوی وړاندیزونه او غوښتنې یې واورېدې او په ځینو برخو کې یې ورته لازمې لارښوونې وکړې.
په راغلو کسانو کې یو شمېر یې غوښتنه وکړه چې د ځنګلونو او شتر مرغ روزنې فارمونو په موخه دې یوه اندازه ځمکه په اجاره ورکړل شي.
د ښار جوړولو او ځمکو وزارت محترم وزیر ورته لارښوونه وکړه او هغه لارې چارې یې ورته په ګوته کړې چې په عملي کولو سره یې کولې شي خپلې چارې اسانه او ګړندۍ کړي.
