د ښار جوړولو او ځمکو وزارت محترم سرپرست مولوي حمد الله نعماني د دولتي او عامه ودانیو برنامه و ارزوله
په هغه پرزنټېشن کې چې د وزارت کارکوونکو د دولتي او عامه ودانیو په تړاو جوړ کړی و د یادې برنامې په اړه هر اړخیز بحث وشو.
د ښارجوړولو او ځمکو وزارت د د دولتي او عامه ودانیو برنامې کارکوونکو په دغه برخه کې د شته ستونزو او ننګونو ترڅنګ لاسته راوړې او اقدامات په ګوته کړل.
دغه راز د یادې برنامې پر تشکیل هم خبرې وشوې چې په تېرو کلونو کې څومره وو، اړتیا څومره وه او اوس څه کول په کار دي.
د دغه پرزنټېشن پر مهال یادونه وشوه چې څنګه کېدای شي یاده برنامه لا پرمختللې او لاسته راوړنې ولري او باید پر هغه لارو چارو غور وشي چې تولې ستونزې حل کړي.
د ښارجوړولو او ځمکو وزارت محترم سرپرست وزیر مولوي حمد الله نعماني وویل، هڅه دې وشي چې د نورو برنامو ترڅنګ د دولتي او عامه ودانیو برنامې مالي او نورو ستونزې له اړوندو ادارو او وزارتونو سره شریکې شي چې د حل لپاره لازم او پر وخت اقدامات وشي.
د ښارجوړولو او ځمکو وزارت لس پروژې فعالې لري چې په وزارت کې د درې برنامو لخوا رهبري کېږي.
