د ښار جوړولو او ځمکو وزارت سرپرست په کابل کې د چین له سفیر سره وکتل
۱۴۴۴/۰۱/۲۷
د ښار جوړولو او ځمکو وزارت محترم سرپرست وزیر مولوي حمدالله نعماني د چین او افغانستان ترمنځ له نیکو اړیکومننه وکړه او وې ویل چین په بېلا بېلو اقتصادي او ټولنیزو برخو کې له افغانانو زیاتې همکارۍ کړې دي.
ښار جوړولو او ځمکو محترم سر پرست وزیر په افغانستان کې د چین هېواد سفیر سره ولیدل
محترم مولوي حمدالله نعماني وویل، چین د افغان حکومت سره د کورونو په جوړولو، د ټولګتو بیا رغونې پروژو، تحصیلي بور سونو، سیمینارونو او د دې وزارت د انجنیرانو د ظرفیت لوړونې په برخه کې د پام وړ همکارۍ کړې دي.
نوموړي د چین هېواد د سفیر څخه وغوښتل چې د ټولګټو تاسیساتو، د کورونو جوړولو په برخه کې پر پانګونې او د ښار جوړولو او ځمکو وزارت اړوند د نا تمامه پروژو په بشپړولو کې همکاري وکړي.
په کابل کې د چین محترم سفیر وانګ یوو وویل، د چین او افغانستان تر منځ له پخوا ډیرې ښې اړیکې وې او چین له افغانستان سره په بېلا بېلو برخو کې ډیرې مرستې کړې دي.
د چین سفیر وویل، دوی په افغانستان کې د ښاري پراختیا په برخه کې رغنده رول لوبولی او غواړي چې دې برخه کې نور هم همکار پاتې شي.
نوموړي دغه راز د ښار جوړولو او ځمکو وزارت سره د اړمنو کورنیو لپاره د عام المنفعه تاسیساتو او کوورنو جوړلو برخه کې د همکارۍ یادونه وکړه.
ښاغلي سفیر د سرپرست وزیر څخه وغوښتل چې د چین هېواد اړوند شرکتونو د کارکونکو امنیت خوندي کړي کوم چې د ښار جوړولو او ځمکو وزارت سره همکارې کوي.
د ښار جوړولو او ځمکو محترم سرپرست وزیر مولوي حمدالله نعماني سفیر ته د شرکتونو د کار کونکو د امنیت خوندیتوب په برخه کې پوره ډاډ ور کړ.
