د ښار جوړولو او ځمکو وزارت سرپرست له یو شمېر هېوادوالو سره وکتل
۱۴۴۳/۱۱/۱۷
د ښار جوړولو او ځمکو وزارت محترم سرپرست مولوي حمدالله نعماني له بېلا بېلو ولایتونو څخه راغلو هېوادوالو سره وکتل او د دوی د ستونزو پر حل یې خبرې وکړې.
راغلو هېوادوالو په خپلو ولایتونو کې د ښاري وضعیت او شته ستونزو په اړه بشپړ معلومات وړاندې کړل او د حل برخه کې د وزارت د پاملرنې غوښتنه وکړه.
د ښار جوړولو او ځمکو وزارت محترم سرپرست مولوي حمدالله نعماني د راغلو هېوادوالو له ستونزو اورېدو وروسته ډاډ ورکړ، چې تر خپلې وسې او د وزارت په محدوده کې به یې د ستونزو حل لپاره کوټلي ګامونه پورته کړي.
