د ښار جوړولو او ځمکو وزارت سرپرست د تېرو یو کال مهمې لاسته راوړنې او فعالیتونه په یو خبري کنفرانس کې بیان کړل

۱۴۴۴/۰۱/۰۸ د ښار جوړولو او ځمکو محترم سرپرست وزیر مولوي حمدالله نعماني له ملت سره د ا.ا.ا له راتګ وروسته په تېر یو کال کې د ښار جوړولو او ځمکو وزارت مهمې لاسته راوړنې، فعالیتونه او پلانونه د یو رسنیز کنفرانس له لارې شریک کړل. د ښار جوړولو او ځمکو محترم وزیر مولوي حمدالله نعماني د امارت د رسنیو په مرکز کې خبري کنفرانس کې، د هېواد په کچه د مسکن جوړولو او د مسکن وجهي صندوق په اړه خبرې وکړې. دغه راز مولوي حمدالله نعماني یادونه وکړه، چې مرستندویه هېوادونو سره یې خبرې کړي چې په کابل کې د قطري پروژې، چینایي پروژې او ننګرهار کې د مسکن جوړولو پروژې برخه کې عملي چارې پیل شي او په ځینو کې پیل شوې دي. ښاغلي مولوي حمدالله نعماني د تاریخي ابداتو د ترمیم برخه کې د اغا خان خیریه بنسټ سره خبرې کړي او عملاً کار جریان لري. محترم نعماني زیاته کړه، د بېرته راستنېدونکو لپاره د مهاجرینو په نوم ښارګوټي په بېلا بېلو ولایتونو کې لري چې د قانوني پړاونو ترسره کولو وروسته به نمرې ورته وېشي. دغه راز په یاد خبري کنفرانس کې یادونه وشوه چې د کابل جدید ښار کې عملي چارې او د پېروزي ښارګوټي چې د کابل جدید برخه کې عملي چارې روانې دي او خلکو ته نمرې وېشل شوې دي. نوموړي وویل، د بېلا بېلو ښارګوټو ټولنیزې، اقتصادي او تخنیکي څېړنې او مطالعات شوي او د شته ستونزو د حل لپاره اقدامات شوې دي. ښاغلي نعماني د خپلو خبرو په دوام زیاته کړه، چې د کابل جدید ښار بیخ بناء چارې تر یو بریده حل شوې او لا هڅې روانې دي چې ټول کارونه یې بشپړ او چمتو شي. ده وویل، د کابل جدید ښار پر وړاندې شته ستونزې چې په تېر حکومت کې وې، له منځه وړل شوي او اوس فضاء برابره ده چې پانګوال خپلو کارونو ته دوام ورکړي. یاد رسنیز کنفرانس کې یادونه وشوه، چې په لسګونو دولتي ادارو کې د اوبو رسولو سیستم، برېښنا سیستم، طرحه او ډیزاین او نورې لازمې چارې ترسره شوې دي. د ښار جوړولو او ځمکو وزیر مولوي حمدالله نعماني وویل، د ښاري پلانونو برخه کې د کابل، کاپیسا، کونړ، هرات، بدخشان، فاریاب، مزار شریف او نورو ښارونو لپاره د ماسټر پلان بیا کتنه شوې، مطقوي پلانونه جوړ شوي، د بیا رغونې پلانونه جوړ شوي او د محلي موادو څخه د استفادې لارې چارې په ګوته شوې دي. ښاغلي نعماني د ځمکو د عصب په مخنیوي ټینګار وکړ، چې اوس ټولې ځمکې د غصب کولو له ګواښ خوندي دي او هغه چې پخوا غصب شوي د بېرته راګرځولو لپاره یې په قانون کار شوی چې د امارت د مشرتابه تر کتنې او تائید وروسته به عملي شي. د ښار جوړولو او ځمکو وزارت په پام کې لري چې د روان لمریز کال لپاره د دغه وزارت په پنځه کلن ستراتېژیک پلان او تګلارې کار وکړي. په ټوله کې ولس ته غوره خدمات وړاندې کول، خلکو ته د کار کولو زمینه برابرول، له فساد سره جدي مبارزه کول، اقتصادي پروژې چې د خلکو پر ژوند مثبته اغېزه وکړي پلې کول، د دولتي عوایدو لوړول، له دولتي ملکیتونو او ځمکو څخه سالمه ګټه پورته کول، بې سرپناه خلکو ته د مناسبې سرپناه برابرول، او داسې نور د ښار جوړولو او ځمکو وزارت له عمده موخو څخه دي.