د ښار جوړولو او ځمکو وزارت د بشري سرچینو ریاست د خپلو کړنو په تړاو مالي او اداري معینیت ته راپور ورکړ
21/12/1443
د ښار جوړولو او ځمکو وزارت محترم مالي او اداري مرستیال حافظ محمد امین فاروقي په مشرۍ ناسته کې د دغه وزارت د بشري سرچینو ریاست د تېرې یوې میاشتې په تړاو د خپلو کړنو او لاسته راوړنو په اړه بشپړ معلومات ورکړل.
د بشري سرچینو محترم رییس او امرینو یې په تېره یوه میاشت کې د ظرفیت لوړونې، سوانحو، ارزیابۍ او کړنو، استخدام او روزنې او دغه راز نورو برخو کې هر اړخیز معلومات وړاندې کړل.
دغه راز په ناسته کې د یاد ریاست په تړاو د شته ستونزو، ننګونو او د حل لارو برخه کې هم له مالي او اداري مرستیال سره موضوعات شریک شول او د حل برخه کې یې د همکارۍ غوښتنه وکړه.
د ښار جوړولو او ځمکو محترم مالي او اداري مرستیال حافظ محمد امین فاروقي د یاد ریاست د بشپړ میاشتني راپور تر اورېدو وروسته او دا چې کړنې او ورسپارل شوې دندې یې په سمه توګه اجراء کړې ترې مننه وکړه او د ستونزو د حل برخه کې یې د همکارۍ ډاډ ورکړ.
