د ښار جوړولو او ځمکو وزارت تدارکاتي پروسه دې اسانه شي
۱۴۴۳/۱۰/۱۴
د ښار جوړولو او ځمکو وزارت د تدارکاتو کمېټې ناسته د محترم مالي او اداري مرستیال حافظ محمد امین فاروقي په مشرۍ ترسره شوه چې په کې د تدارکاتو، مالي او اداري ریاستونو مسؤلینو ګډون کړی وو.
په دغه ناسته کې د تدارکاتي پروسې په ساده کولو خبرې وشوې، لکه د ساختماني شرکتونو د پیسو ورکړې او د اړتیا وړ جنسونو برابرول، د تدارکاتي پروسې ارزول او پر دې بحث وشو چې تدارکاتي پروسه باید ساده او اسانه شي.
محترم مالي او اداري مرستیال حافظ محمد امین فاروقي د تدارکاتي کمېټې د مسؤلینو خبرو اورېدو وروسته لارښوونه وکړه چې د تدارکاتي کمېټې ټول غړي دې په ګډه د اصولو سره سم له ځنډ پرته چارې پر مخ یوسي.
نوموړي سپارښتنه وکړه چې د کمېټې غړي دې هڅې وکړي چې وخت ضایع نه شي او ټولې چارې دې پر وخت ترسره شي.
هغه ټینګار وکړ چې په یاده پروسه کې دې شفافیت، دقت او ریښتینولي په پام کې ونیول شي او هېڅ داسې عمل دې نه ترسره کېږي چې د اسلامي او ملي ګټو خلاف وي.
