د ښار جوړولو او ځمکووزارت عواید دې په شفاف ډول راټول شي
۱۴۴۳/۰۸/۲۸
د ښار جوړولو او ځمکو وزارت مالي او اداري مرستیال محترم حافظ محمد امین فاروقي د دغه وزارت د عوایدو ریاست مسؤلینو ورغوښتي وو او د عوایدو راټولېدو او سرچینو په تړاو یې ترې وپوښتل.
لومړی د عوایدو ریاست مسؤلینو ښاغلي مالي او اداري مرستیال ته خپل فعالیتونه، دندې او لاسته راوړنې تشریح کړې او بیا یې د عوایدو د سرچینو، د عوایدو د راټولېدو ډول او دا چې څنګه کولی شي عواید زیات کړي، بشپړ معلومات وړاندې کړل.
ورپسې د ښار جوړولو او ځمکو وزارت مالي او ادارې مرستیال ښاغلي حافظ محمد امین فاروقي وویل، چې د غیر مشروع عوایدو له راټولېدو دې مخنیوی وشي، د عوایدو راټولېدو پروسه دې لا شفافه شي، هڅه دې وشي چې د عوایدو کچه لوړه شي او هعغه فعالیتونه دې تر لاس لاندې ونیول شي چې له امله یې د وزارت عواید لوړېږي.
دغه راز ښاغلي مالي او اداري مرستیال زیاته کړه چې اړوند مسؤلین دې بې پروایي نه کوي، چارې دې نه ځنډوي او د ستونزو په مهال دې یو بل ته د همکارۍ لاس ورکوي.
