د ښار جوړولو او صنعتي پارکونو جوړولو قوانینو کې د ځینو مادو پېچلتیا او ورته والی له منځه وړل کېږي
۱۴۴۴/۱۲/۰۷
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني د دې وزارت او د صنعت او سوداګرۍ محترم وزارت د مسؤلینو سره ناسته وکړه.
په ناسته کې د دغه دواړو وزارتونو د قوانینو ترمنځ په وظیفوي تداخل له منځه وړلو نظرونه تبادله شول.
د ناستې په دوام، بحث وشو چې د صنعتي پارکونو د قانون او د ښارجوړولو او مسکن د قانون په ځینو مادو لکه د صنعتي پارکونو د پلانونو رامنځته کولو برخه کې، وظیفوي مداخله شته چې باید حل شي.
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني وویل، دغه وزارت په بېلا بېلو برخو کې د صنعت او سوداګرۍ وزارت سره ګډې کاري لارې لري چې دواړه خلکو ته د خدمت کولو او اسانتیاوو برابرولو کې لازمه همکاري کوي.
ښاغلي بامیاني زیاته کړه، د کور او ښار جوړولو په قانون کې صنعتي پارکونه ځان ته پېژندګلوي لري او د دواړو قوانینو ترمنځ د وظیفوي مداخلې مخنیوي لپاره اړتیا ده، چې د دواړو وزارتونو متخصص او مسلکي کسان سره کیني او حل لاره پیدا کړي.
په پای کې د کور او ښار جوړولو وزارت او د صنعت او سوداګرۍ محترم وزارت د مسلکي او متخصص کسانو ترمنځ یوه کمېټه جوړه شوه، او دنده ورته وسپارل شوه چې رامنځته شوې ستونزې ته به مناسبې حل لارې ګوري او عملي کېږي به.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/MUDH-2303368453279461/
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.