د ښاري چارو اړوند یو شمېر ریاستونو وضعیت و ارزول شو
۱۴۴۶/۰۸/۲۱
د کور او ښار جوړولو وزارت محترم سرپرست وزیر الحاج شیخ حمدالله نعماني، او د دغه وزارت د ښاري چارو محترم مرستیال شیخ مدارعلی کریمي بامیاني د ښاري چارو اړوند یو شمېر ریاستونه له نږدې ولیدل او چارې یې و ارزولې.
په دغه ارزونه کې لومړی، اړوندو رئیسانو خپلې کړنې، اړتیاوې، وړاندیزونه او ستونزې شریکې کړې او د پلانونو د بیا کتنې برخه کې یې د ظرفیتونو په همغږي کولو ټینګار وکړ.
د کور او ښار جوړولو وزارت محترم سرپرست وزیر او د ښاري چارو مرستیال د کار حجم ته په کتو د لومړیتوبو پر ټاکلو، د نورو ادارو د غوښتنو په ترسره کولو او په چارو کې په ځنډ نه رامنځته کولو ټینګار وکړ.
دغه راز په دغه ارزونه کې د عملیاتي چارو کمېټې چارې هم و ارزول شوې او پر کیفیت او کمیت ټینګار وشو.
ښاغلي شیخ حمدالله نعماني اړوندو رئیسانو ته لازمې لارښوونې وکړې چې، څنګه کېدای شي چارې لا چټکې او اغېزمنې شي.
د کور او ښار جوړولو وزارت هڅې کوي چې، ورسپارل شوي مسؤلیتونه په سمه او اغېزمنه توګه ترسره کړي.
