د ښاري نقشو د ویزه کولو کمیسیون خپله نوبتې ناسته وکړه
۱۴۴۶/۳/۲۹
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ د ښاري نقشو د ویزه کولو کمیسیون خپله ۴۷ ناسته وکړه.
په دې ناسته کې، د ښاغلي بامیاني ترڅنګ د نورو اړوندو ریاستونو استازو هم ګډون کړي وو، چې د بلخ ولایت د نوي ښار د پلان د منظوري تر څنګ په کندز ولایت کې د حاجي عیدي زاده د ښار ګوټي د نوم د تغیر اوپه نورو بېلا بېلو ولایتونو کې یې د تېلو د پمپ سټېشنونو، هستوګنیزو نمرو او سوداګریزو مارکېټونو په اړه هر اړخیز بحث وکړ.
د یاد کمیسیون لخوا په بلخ ولایت کې د نوي ښار اصلاحي پلان منظور شو او په کندز ولایت کې د حاجي عید زاده په نوم د ښار کوټي د نوم د تغیر په اړه د یاد ولایت د کور او ښار جوړولو ریاست نه د مکتوب د لارې نور دلایل وغوښتل تر څو په راتلونکې ناسته کې په دې اړه پریکړه وشي.
د دې کمیسیون لخوا هغو پمپ سټېشنونو، هستوګنیزو نمرو او سوداګریزو مارکېټونو ته د جوړېدو اجازه ورکړل شوه، چې اسناد یې بشپړ شوي وو او د ټولو اړوندو ادارو لخوا یې اسناد تائید شوي، خو هغه چې اسناد یې نیمګړي و، په اړه یې لارښوونه وشوه، تر څو خپل اسناد بشپړ کړي او په بله ناسته کې به یې په تړاو پرېکړه کېږي.
په دې ناسته کې په ځینو نورو تخنیکي اسنادو هر اړ خیز بحث وشو او نظرونه شریک شول.
