د ښاري سرغړونو د مدیریت لپاره ختیځ زون ته رسمي تخنیکي ټیم واستول شو
۱۴۴۷/۸/۲۱
د کور او ښار جوړلوو وزار، له ښاري سرغړونو د مخنیوي او د پروژو پر تطبیق د څار محترم عمومي ریاست په همغږۍ د دغه وزارت د ښآري سرغړونو د مخنیوي ریاست تخنیکي ټیم کونړ ولایت ته سفر وکړ.
دغه سفر چې د ښاري سرغړونو د مخنیوي ریاست د محترم رئیس په مشرۍ شوی دی، اساسي موخې یې د چارو د ترسره کېدو څرنګوالي څارنه او ارزونه، د ښاري سرغړونو مخنیوی، د ښاري تخلفاتو مخنیوي برخه کې د دویمو او درېیمو واحدونو د کړنو ارزونه، او همدارنګه د کونړ ولایت په کچه د ښاري اصولو او مقرراتو د ښه تطبیق تأمین دی.
تللي پلاوي، په کونړ کې د دغه ولایت د کور او ښار جوړولو ریاست له محترمو چارواکو سره کتلي او د ښاري سرغړونو د وضعیت، د اړوندو ادارو ترمنځ د همغږۍ او همکارۍ، او د ښاري مقرراتو د تطبیق د بهیر د ښه والي په اړه یې سره هر اړخیزې خبرې کړي دي.
په دغه سفر کې تللي پلاوي، په کونړ ولایت کې د ښاري سرغړونو د مخنیوي عمومي مدیریت ته یو کاري او هر اړخیز پریزنټېشن وړاندې کړ، چې په کې فعالیتونه، اجراآت، کاري پلانونه او موجود اسناد تشریح شول.
دغه راز، تخنیکي پلاوي اړوند اسناد او کړنې په دقیقه توګه وڅېړلې او وارزولې.
