د څو مهمو اقتصادي موضوعاتو په تړاو خبرې وشوې
۱۴۴۶/۰۹/۰۵
د کور او ښار جوړولو وزارت محترم سرپرست وزیر الحاج شیخ حمدالله نعماني په مشرۍ او د دغه وزارت د محترمو مرستیالانو په ګډون رهبري ناسته وشوه.
په دغه ناسته کې چې، د بېلا بېلو ریاستونو رئیسانو او مسؤلینو هم ونډه اخیستې وه، پر ځینو مهمو اقتصادي موضوعاتو هر اړخیزې خبرې وشې.
د مسکن برخه کې د هویت او وکالت خط تثبیت او صحت او د ورکړې څرنګوالی، د کابل قصبې سیمه خواجه رواش استوګنیز ښارګوټي کې څو اپارتمانونه، د میدان وردګ ولایت په تخت کوتل سیمه کې د لوجستیک پارک او دغه راز په همدغه ساحه کې (۲۳) استوګنیز بلاکونه، د کابل صنایع سبز صنعتي ښارګوټي کې د پلان مطابق تأسیسات او نور هغه موارد وو چې، په دغه ناسته کې پرې بحثونه وشول.
د کور او ښار جوړولو وزارت محترم وزیر الحاج شیخ حمدالله نعماني، اړوند ریاستونو ته دنده وسپارله چې، په د یادو موضوعاتو په تړاو ساحې له نږدې وګوري، ستونزې او حل لارې په ګوته کړي او بشپړ راپور یې د وزارت محترم مقام سره شریک کړي.
په دغه ناسته کې پر تولو هغه لارو چارو غور او بحث وشو چې، څنګه کېدای شي د خلکو ستونزې حل او پر وخت اقدام وشي.
د کور او ښار جوړولو وزارت ژمن دی چې، د منظمې ښاري ودې او پراختیا، مسکن او نورو برخو کې له اړوندو وزارتونو او ادارو سره په همکارۍ او همغږۍ چارې پر مخ یوسي او هېوادوالو ته اړین او اغېزمن خدمات وړاندې کړي.
