د پنځلس ساختماني او ښاري پروژو زېربنا طرحه شوې
۱۴۴۵/۰۷/۲۵
د کور او ښار جوړولو وزارت د ښاري زېربناو ریاست په مرکز او ولایتونو کې د (۱۵) ساختماني او ښاري پروژو زېربنا طرحه او ډیزاین کړې.
په دغه پروژو کې د لېږد او انتقال، فاضله اوبو، چاڼ خونو تأسیسات، او داسې نورې برخې طرحه او ډیزاین شوي دي.
د ښاري زیربناو ریاست، د میدان وردک ولایت د پوهنتون او د لوګر د څرخ ولسوالۍ د ښوونکو د ښارګوټي د برېښنایي شبکو او سړک زېربنا طرحه او ډیزاین کړې. دغه راز د بایمان ولایت د ورس ولسوالۍ د کوسه بند د سرک جوړولو پلانونه، د بغلان دوشي ولسوالۍ چهارباغ، د میدان وردګ ولایت د داؤدخان ښارګوټي،د شبرغان د صنعتي پارک او د کابل باریک اب اقتصادي زون د (۱۷) کیلو متره سړکونو پلانونه طرحه او ډیزاین شوي دي.
دغه راز د سړکونو، تمځایونو، اوبو رسولو او کانالېزاسیون، زرغونو سیمو،د برق شبکو او د کابل جمهوریت روغتون ساحې د زیربناو د پلانونه طرحه او ډیزاین شوی دی.
د یادو او دې ته ورته نورو پروژو په بشپړوالي سره به د هېواد په کچه افغانان له خوندي ترانسپورتي سیستم، باکیفیته دوامداره برېښنا، پاکې او صحي اوبو، ټیلفون او انټرنټ، پاکې هوا او سالم چاپېریال څخه برخمن شي
