د پنجشیر ولایت د ابشار ولسوالۍ اداري کمپلکس رغنیزې چارې ۹۵ سلنه بشپړ شوي
ښارجوړولو او ځمکو وزارت د پنجشیر ولایت د ابشار ولسوالۍ اداري کمپلکس رغنیزې چارې ۹۵ سلنه بشپړې کړي او په نیږدې راتلونکې کې به ګټې اخیستنې ته وسپارل شي.
دا درې پوړیزه اداري کمپلکس په ۴۹۰ متر مربع ځمکه کې چې ۱۷ کاري دفترونه، یو کنفرانس خونه، یو پخلنځی، یو ګدام او ۹ عصري تشنابونه لري د ۱۸ میلیونه او ۹۲۹ زره افغانیو په ارزښت د ثبات ټینګښت ملي برنامې له لارې په معیاري ډول جوړیږي.
ښارجوړولو او ځمکو وزارت تر دې دمه په ولایاتو کې د ۱۳۰ ولسوالیو لپاره اداري ودانۍ رغولي او په دې برخه کې یې دولتي کارکوونکو ته د کار ښه چاپریال برابر کړی او ترڅنګ یې هېواد والو ته د خدماتو کچه هم لوړه کړې ده.
###
