د پانګوالو سره د ساختمان په برخه کې هر ډول همکارۍ ته چمتو یو
۱۴۴۶/۱۱/۳
د کور او ښار جوړولو وزارت د مسکن، ساختماني چارو او د برنامو د پراختیا محترم مرستیال الحاج محمد اسماعیل فائز په خيل کاري دفتر کې د ابن سینا څیړنیزې موسسې له مشر محترم غلام سخي حسن زاده سره وکتل.
په ناسته کې، د ابن سینا موسسې مشر وویل، افغانستان باید اقتصادي خپلواکي ولري چې دې برخې ته د رسیدو لپاره باید د بیخ بنا د پراختیا لپاره کار وشي.
نوموړي وویل، د روغتیا، کرنې، اوبو او انرژۍ، ترانسپورټ او دې ته ورته نورو برخو کې ډیر کار ته اړتیا ده، هیله یې وښوده چې د کور او ښار جوړولو وزارت دې د دې پروژو په برخه کې د دې موسسې سره مرسته وکړي.
همدراز د مسکن، ساختماني چارو او د برنامو د پراختیا محترم مرستیال الحاج محمد اساعیل فائز وویل، په ټول هېواد کې امنیت ټینګ دی، ټول کورني او بهرني پانګوال کولي شي چې په مختلفو برخو کې پانکونه وکړي چې موږ هر ډول همکارۍ ته چمتو یو.
