د هرات ولایت د کشک رباط سنګي ولسوالۍ لپاره ښاري پلان جوړیږي
۱۴۴۶/۲/۲۹
د هرات ولایت د کور او ښار جوړولو ریاست محترم رئیس انجنیر عبدالله اکبري وایي، د کشک رباط سنګۍ ولسوالۍ د ښاري پلان لپاره د ترتیب په موخه د دې ریاست د انجنیرانو لخوا ساحه له نږدې ولیدل شوه.
ښاغلي انجنیر اکبري وویل، د اړتیاو د پیژندلو او په ساحه کې د ګواښونو د معلومولو وروسته په ډاکه شوه چې د دې ولسوالۍ لپاره درې ډوله پلانونه( ماسټر پلان، تفصیلي پلان او د بیا رغونې پلان) ترتیب شي، چې په لومړي سرکې به د دې ساحې توپوګرافي سروې تر سره شي.
د کور او ښار جوړولو وزارت د ښاري پراختیا په موخه د ولسوالیو لپاره پلانونه ترتیبوي تر څو ښاري وده د پلان مطابق په منظم ډول تر سره شي.
