د هرات د ځمکو ریاست د قبالې ودانۍ رغنیزې چارې دوام لري
ښارجوړولو او ځمکو وزارت د هرات د مرکز اتمې ناحیې په دشت ګذرګاه سیمه کې د دې ولایت د ځمکو ریاست د قبالې ودانۍ رغنیزې چارې ۶۰ سلنه بشپړې کړې دي.
دا ودانۍ په ۱۰۰۰ متر مربع ځمکه کې په څلورو پوړونو د ۹۷ میلیونه او ۴۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د ټولګټو پروژو د تطبیق لپاره له دولتي اراضۍ معقوله او ګټوره استفاده د ښارجوړولو او ځمکو وزارت لومړیتوب دی او دا وزارت د حکومت پراختیايي او اقتصادي پلان جوړونې او د پالیسیو د تطبیق په برخه کې وچت ګامونه پورته کړي دي.
###
