د هرات او فراه ولايتونو په غير پلاني سیمو کې شاوخوا ۱۰۰ کورونه سروې او ثبت شول
ښار جوړولو او ځمکو وزارت د غير رسمي ښاري سیمو د ثبت برنامې د تطبيق په دوام دا ځل د هرات ولايت او فراه ښار په غېر پلاني سیمو کې ۹۷ زره ۵۷۹ کورونه سروې او ثبت کړي دي.
له دې ډلې په هرات ښار کې ۷۷۳۳۵ کورونه او په انجيل ولسوالۍ کې ۸۲۳۰ کورونه او د فراه ښار په بېلابېلو ناحيو کې ۱۲۰۱۴ کورونه سروې او ثبت شوي دي.
ښار جوړولو او ځمکو وزارت تر اوسه په کابل، مزارشريف، هرات، ننګرهار، کندهار، فراه، باميان او نيلي ښارونو کې ۷۹۰ زره ۴۴۶ کورونه سروې او ثبت کړي او تر څنګ يې مستحقينو ته د ملکيت ۲۰ زره سندونه هم ويشلي دي.
