د ملي عوایدو لوړېدو په موخه پرلپسې ناسته وشوه
۱۴۴۶/۰۶/۳۰
د کور او ښار جوړولو وزارت د محترم سرپرست وزیر الحاج شیخ حمدالله نعماني په مشرۍ د ملي عوایدو د لوړولو په تړاو پرلپسې ناسته وشوه.
په دغه ناسته کې، د مالیې محترم وزارت، اقتصاد محترم وزارت او د امارتي محترم عمومي شرکت علمي او متخصص کادرونو ونډه اخیستې وه.
د ناستې په دوام ګډونوالو بحث وکړ، چې د کومو ممکنه لارو چارو له مخې کولای شو ملي عواید لا زیات کړو.
دغه رزا بحث وشو، چې غیر اړین لګښتونو مخنیوی دې وشي او په لګښتونو کې دې سپما وشي.
د کور او ښار جوړولو وزارت محترم سرپرست وزیر شیخ حمدالله نعماني وویل، لازمه ده چې په لیکلې بڼه د ټولو لګښتونو، عایداتي سرچینو او نورو موضوعاتو په اړه هر اړخیز معلومات راټول او راپور یې د ریاسة الوزرا محترم عالي مقام محترم اداري معینیت ته وسپارل شي.
ټاکل شوې چې په بله ناسته کې به یې بشپړ راپور چمتو او اړوندې مرجع ته وسپاري.
