د مسکن، ودانیزو چارو او د برنامو د پراختیا معینیت دولسمه ناسته تر سره شوه
۱۴۴۶/۱۱/۲۰
د کور او ښار جوړولو وزارت د مسکن، ودانیزو چارو او د برنامو د پراختیا محترم مرستیال الحاج محمد اسماعیل فائز په مشرۍ د یو شمیر رئیسانو او امرینو په شتون کې د دې معینیت دولسمه ناسته تر سره شوه.
په ناسته کې لومړی د مسکن، ودانیزو چارو او د برنامو د پراختیا محترم مرستیال الحاج محمد اسماعیل فائز خبرې وکړې او د کارونو پرچټکتیا او په سپارل شوو دندو کې یې پر سپیڅلتیا ټینګار وکړ.
همدا راز ښاغلي مرستیال محمد اسماعیل فائز، ټینګار وکړ چې د وزارت او نورو مراجعو څخه راغلې تخنیکې اسناد دې پروخت اجرا شي او د کارونو د خنډ او ځنډ مخه دې ونیول شي.
د ناستې په دوام محترم مرستیال فائز وویل، د مرکز او ولایتونو د روانو پروژو لیست دې تر تیب شي او د چارو د پرمختګ فیصدې دې معلومه شي، تر څو شته ستونزې په نښه او د حل لارې چارې یې ولټول شي.
په ورته خت کې، د اړوندو ریاستونو څخه وغوښتل شول چې د ودانیزو پروژو د طرحې او ډیزاین قیمتونه، کیفیت او وخت په اړه معلومات راټول کړي او له معینیت سره دې شریک کړي.
د محترم مرستیال الحاج محمد اسماعیل فائز لخوا د ریاستونو ترمنځ په همغږۍ ټينکار وشو، زیاته یې کړه چې ریاستونه نه باید د یو بل په چارو کې لاسونه وکړي.
په دې ناسته کې رئیسانو او امرینو د مرکز او ولایتونو خپل کاري راپورونه وړاندې کړل او شته ستونزې یې هم شریکې کړې.
همدارنګه په دې ناسته کې د رحمن مینې، تهیه مسکن، د کاپیسا ولایت د تیږو د فرش، د عمر ګلستان بلاکونو، د نوي کابل ښار د قراردادونو او نورو پروژو په تړاو خبرې وشوې او نظرونه شریک شول او په تړاو یې لازمې پریکړې وشوې.
د یادولو ده، چې د کور او ښا جوړولو وزارت هڅه کوي چې په مرکز او ولایتونو کې د کار لاندې پروژې په معیاري ډول بشپړې شي او ګټې اخستنې ته وسپارل شي.
