د مسکن، ساختماني چارو او د برنامو د پراختیا مرستیال د کارونو پر چټکتیا ټینګار وکړ
۱۴۴۶/۸/۲۳
د مسکن، ساختماني چارو او د برنامو د پراختیا محترم مرستیال الحاج محمد اسماعیل فائز په خپل کاري دفتر کې د اړوند ریاستونو له رئیسانو او مسؤلینو سره وکتل.
په ناسته کې د دې معینیت اړوند رئیسانو د خپلو تیرو کارونو په تړاو معلومات وړاندې کړل، نظرونه یې شریک کړل او خپلې ستونزې یې شریکې کړې.
ور پسې د مسکن، ساختماني چارو او د برنامو د پراختیا محترم مرستیال الحاج محمد اسماعیل فائز کارونه جمع بندي کړل او د ریاستونو د کارونو ستاینه یې وکړه.
نوموړي وویل، د ریاستونو له کاري کړنو ښکاري چې زموږ همکارانو په جدیت اورښتنې توګه کار کړی چې داسې کړنې موږ د پرمختګ په لور بیایي.
ښاغلي فائز د کار حجم ته په کتو د لومړیتوبو پر ټاکلو، د نورو ادارو د غوښتنو په ترسره کولو او په چارو کې په ځنډ نه رامنځته کولو ټینګار وکړ.
