د مرکزي او ولایتي ریاستونو ترمنځ د همغږۍ او د چارو انسجام او پرمختګ په موخه دوه ورځنی علمي سمینار پیل شو

22/5/1445

د کور او ښار جوړولو وزارت د مرکزي ریاستونو او دویمو واحدونو ترمنځ د همغږۍ زیاتېدو، د چارو انسجام او پرمختګ په موخه دوه ورځنی علمي سمینار پیل کړ.

په دغه سمینار کې د کور او ښار جوړلو وزارت د ښاري چارو محترم مرستیال شیخ مدار علي کریمي بامیاني د ښه راغلاست ترڅنګ د چارو انسجام او پرمختګ په موخه هر اړخیزه وینا وکړه.

ښاغلي بامیاني وویل، تاسې هر یو په خپل ولایت کې ستر مسؤلیت لرئ او باید په پیاوړي عزم او ارادې سره د افغانستان لپاره کار وکړئ.

نوموړي زیاته کړه، علمي سمینارونه د راتلونکي لپاره ښه اغېز لري او له مسؤلینو یې وغوښتل چې په سمینار کې د ګډون نیت د الله رضا لپاره وکړي او څه چې دلته بیانېږي معنوي فضیلت دی چې عملي کول يې جهاد دی.

شیخ مدار علي کریمي بامیاني وویل، دا زموږ دنده او مسؤلیت دی چې افغانستان له سیالانو سره سیال او د خپلو هېوادوالو خدمت په سمه توګه وکړو.

د سمینار په لومړۍ ورځ د پالسۍ او پلان جوړولو، برنامو، نشراتو، ماسټر پلان او تفصیلي پلان او دغه راز نورو اړوندو ریاستونو د چارو د لا ښه والي په موخه خپل علمي او تخنیکي پریزنټېشنونه وړاندې کړل.

د کور اوښار جوړولو وزارت هر کال ولس ته د ښه خدمت کولو په موخه د خپلو دویمي واحدونو لپاره د اړتیا وړ علمي سمینارونه ترتیبوي.

-------------------------------------------

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.