د مخدوم زاده سوداګریز مارکېټ د جوړیدو بهیر څارنه وشوه
1/2/1444
د جوزجان ولایت د ښار جوړولو او ځمکو ریاست د مصطفی مخدوم زاده سوداګریز مارکېټ او شبرغان ښاروالۍ د کار جریان څارنه وکړه.
د دې ادارې د انجنیرانو د څارنې ټیم د سیخونو سمه کارونه، د تهدابونو د کیندلو او سپلونونه لیدنه، برسی او چک کړه.
څارونکي ټیم د پروژې د ښه والي او اغېزمنتوب په موخه د دې شرکت د پروژې ساختماني مسوول ته لازمې سپارښتنې وکړې، ترڅو د دغه مارکېټ ټولې ساختماني چارې د معیارونو او اصولو په نظر کې نیولو سره د پلان او مشخصاتو سره سم د انجینرۍ په معیارونو برابر ترسره شي.
د ښار جوړولو او ځمکو وزارت د ودانیو د جوړولو چارې په جدي توګه څاري، ترڅو ودانۍ د اصولو او معیارونو سره سم جوړې شي.
