د لښکرګاه د یتیمانو ښارګوټي د مسجد شریف د ځمکي خط اچونه ترسره شوه
11/3/1446
د هلمند ولایت مرکز لښکرګاه په یتیمانو ښارګوټي کې د یو محراب مسجد شریف ځمکه په نښه شوه او د جوړولو چارې یې د کور او ښار جوړولو ریاست تر څارنې لاندې دي.
د هلمند ولایت د ښاري پراختیا او د کور او ښار جوړولو رئیس الحاج سید نیک محمد معتصم وویل، دغه ستر جومات د قطر د شاهي کورنۍ د خیریه بنسټ له خوا جوړېږي.
هغه زياته کړه، انجنيرانو او د شرکت مسوولينو ته يې لارښوونه وکړه، چې د پروژې چارې له نقشه، معیاري او شرايطو سره سم ترسره کړي او د کارګرانو د خونديتوب په برخه کې اصول مراعات کړي.
د کور او ښار جوړولو وزارت تخنیکي ټیمونه د دولتي ادارو په غوښتنه په مرکز او ولایتونو کې د دولتي تعمیرونو، پلانونه طرحه او ډیزاین کوي او له تطبیق څخه یې څارنه کوي.
