د فراه ښار په څلورمه او پنځمه ناحیه کې د ښاري سرغړونو د مخنیوي په موخه تخنیکي څارنه ترسره شوه
۱۴۴۷/۱۲/۰۳
د فراه ولایت د کور او ښار جوړولو ریاست د ښاري تخلفاتو د رسېدګۍ تخنیکي ټیم له لوري د فراه ښار د څلورمې او پنځمې ناحیې اړوند سیمو کې د روانو ودانیزو چارو تخنیکي نظارت ترسره شو.
یاده څارنه د دې لپاره ترسره شوې، څو د تفصیلي پلانونو خلاف، له منظور شوې نقشې او قانوني جواز پرته د غیرمعیاري ودانیزو چارو مخه ونیول شي او ښاري نظم خوندي وساتل شي.
د نظارت پر مهال تخنیکي ټیم بېلابېلې ساحې له نږدې وکتلې او د ودانیو مالکینو، قراردادیانو او جوړوونکو ته یې د تخنیکي اصولو، منظور شوو نقشو او ښاري معیارونو د رعایت په اړه لازمې سپارښتنې وکړې.
همدارنګه ټینګار وشو، هغه ودانیز فعالیتونه چې له قانوني مراحلو پرته او د ښاري اصولو خلاف ترسره کېږي، ښاري سرغړونه بلل کېږي او قانوني چلند به ورسره وشي.
د یادونې وړ ده، چې د ښاري تخلفاتو د مخنیوي او د قانون د حاکمیت په موخه به دغه ډول تخنیکي څارنې دوام ولري، څو ټولې ودانیزې چارې د منظور شوو نقشو او نافذه اصولو مطابق ترسره شي.
