د فراه ولایت د ښاروالۍ د درې پوړیزه هوټل له ودانیزو چارو څخه څارنه ترسره شوه
۱۴۴۷/۱۱/۰۸
د فراه ولایت د کور او ښار جوړولو ریاست اړوند د تخنیکي ټیم له لوري، د فراه ولایت د ښاروالۍ اړوند د درې پوړیزه هوټل د ودانۍ له روانو چارو څخه ساحوي څارنه ترسره شوه.
یاده پروژه چې د (مېرمن نازو ښوونځي) جنوب ختیځ لوري ته موقعیت لري او د قراردادي شرکت له لوري پر مخ وړل کېږي، د څارنې پر مهال د دوهم پوړ د چت د قالب تړلوچارې روانې وې.
د څارنې په جریان کې د کار د لا ښه کیفیت په موخه د قراردادي شرکت انجنیر ته لازمې تخنیکي لارښوونې او سپارښتنې وشوې، څو د قالب تړلو چارې د معیاري اصولو سره سم ترسره شي.
د تخنیکي ارزونې له مخې، د پروژې عمومي پرمختګ تر دې مهاله شاوخوا ۵۵ سلنه بشپړ شوی دی.
