د فاریاب ولایت د کوهي خانه، خواجه پایتخت او نذیر اباد سیمو د بیا رغونې اصلاحي پلان تائید شو
۱۴۴۴/۱۱/۲
د ښاري چارو د نقشو د ویزه کولو کمیسیون غړو د ښاري چارو محترم مرستیال شیخ مدار علي کریمي بامیاني په مشرۍ ناسته وکړه.
په دغه ناسته کې د فاریاب د مرکز میمنې د اولې او څلورمې ناحیې اړوند په کوهي خانه، خواجه پایتخت او نذیر اباد سیمو کې د کور او ښار جوړولو وزارت د بهسازۍ ریاست له خوا اصلاحي پلان جوړ شو، چې د دغه وزارت د ښاري چارو د نقشو د ویزه کولو کمېسیون له خوا تائید شو.
دغه راز د دې کمیسیون غړو په بیلابیلو ښاري موضوعاتو لکه د بامیان ولایت د (کوسه بند) په تفصیلي پلان نظرونه شریک کړل.
د ښاري چارو مرستیال د ښاري نقشو د ویزه کولو کمیسیون غړو د ښاري چارو اړوند پرېکړو کارونه په خپل وخت تائید کړل او د بامیان ولایت د (کوسه بند) د تفصیلي پلان د فني ستونزو د حل په موخه یې لازمې لارښوونې وکړې.
