د غزني ښار شمس العارفین زیارت ته څېرمه د سړک کانکریټ اچونې له چارو څارنه وشوه
۱۴۴۷/۰۳/۳۰
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست اړوند تخننیکي ټيم د غزني ښار په شمس العارفین زیارت څنګ کې د سړک د کانکریټ اچونې له چارو څارنه وکړه.
ښاغلي مولوي منقي وویل، د څارنې پر مهال څرګنده شوه چې د پروژې ساختماني چارې نږدې بشپړې شوې دي، او د تطبیق کوونکي شرکت مسوولینو ته لارښوونه وشوه چې په منظم ډول تازه اچول شوي کانکریټ ته اوبه ورکړي، د ساحې پاک کاري ترسره کړي او اضافه مواد له سیمې څخه انتقال کړي.
د نوموړي په خبره، د یاد سړک جوړېدو سره به د خلکو تګ راتګ اسانتیاوې ډېرې شي او د ښار ښکلا او معیاري جوړښت ته به وده ورکړل شي.
د یادولو وړ ده، چې په غزني ښار کې د شمس العارفین زیارت څنګ ته د دې سړک جوړېدل د ښار د ټرانسپورتي شبکې د پراختیا یوه مهمه برخه ګڼل کېږي. دغه پروژه به نه یوازې د سیمه ییزو اوسېدونکو د تګ راتګ ستونزې حل کړي، بلکې د ښار د عمومي پرمختګ لپاره به هم ګټوره وي.
