د غزني ښار د معیاري پراختیا په اړه خبرې وشوې

29/5/1445

د کور او ښار جوړولو سرپرست وزیر شیخ حمدالله نعاني په خپل کاري دفتر کې د غزني له محترم ښاروال مولوي محمد نبي حمزه سره وکتل.

په دغه کتنه کې، لومړی د غزني محترم ښاروال مولوي محمد نبي حمزه د کور او ښار جوړولو سرپرست وزیر شیخ حمدالله نعماني ته د غزني ښار پراختیا اړتیا، شته ستونزو او ننګونو په اړه معلومات ورکړل.

نوموړي وویل، د غزني ښار اساسي پراختیا ته اړتیا لري، چې په خبره یې دغه برخه کې  د کور او ښار جوړولو وزارت تخنیکي او مسلکي ټیم کولای شي د غزني له ښاروالۍ سره همکاري وکړي او د یاد ښار لپاره د پراختیا او د غیر پلاني سیمو لپاره بېلا بېل پلانونه جوړ کړي.

دغه راز، د غزني ښاروال وویل، په غزني ولایت کې د علي لالا ښارګوټي د کانالېزاسیون د اساسي نقشې جوړولو په برخه کې هم د کور او ښار جوړولو وزارت د مجربو انجنیرانو مرستې ته اړتیا لیدل کېږي.

په کتنه کې، د کور او ښار حوړولو وزارت محترم سرپرست وزیر شیخ حمدالله نعماني د غزني محترم ښاروال ته په خطاب کې وویل، د کور او ښار جوړولو وزارت له ټولو دولتي ادارو سره همکار پاتې شوی او دې چارې ته به دوام ورکوي.

ښاغلي نعماني، لارښوونه وکړه چې څنګه کېدای شي د غزني ښاروالي په دغه ولایت کې د کور او ښار جوړولو وزارت له انجنیرانو سره همغږي وکړي تر څو سیمه له نږدې وګوري، ارزونه یې وکړي او د یوې اساسي او مناسبې نقشې په جوړولو کې په ګډه کار وکړي.

نوموړي د غزني ښاروال ته ډاډ ورکړ، چې د ښار په معیاري پراختیا کې به ورسره تر ډېره کچه همکاري وکړي او بېلا بېلې لارې چارې به ورته په ګوته کړي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.