د صنایع سبز پارکونو شمالي سیمه په توپوګرافیک ډول سروې شوه
01/03/1444
د ښار جوړولو او ځمکو وزارت د رهبرۍ په لارښوونه د صنایع سبز صنعتي پارکونو ستونزې له حقوقي او تخنیکي اړخه د حل په موخه په توپوګرافي ډول سروې شوه.
په دې ساحه کې شاوخوا 1000 جریبه ځمکه شامله ده چې د پیروزي د استوګنیزې پروژې د تجربه لرونکو انجنیرانو لخوا د توپوګرافیک سروې په واسطه بشپړه شوه.
اوس د دې پروژې د سړک، اوبو رسولو، کانالونو او برېښنا د طرحې چارې روانې دي او په چارو کې یې شاوخوا ۶۰ سلنه پرمختګ شوی، چې په نږدې راتلونکي کې به بشپړې شي.
