د سمنګان ولایت په ایبک ښار کې ښاري سرغړونې په ګوته شوې
۱۴۴۶/۱۰/۱۰
د کور او ښار جوړولو وزارت، له ښاري تخلفاتو د مخنیوي ریاست محترم رئیس مولوي عبدالمنان حقاني په رالېږلو معلوماتو کې لیکلي، د ریاست اړوند تخنیکي ټیم یې سمنګان کې د کور او ښار جوړولو ریاست محترم رئیس مولوي محمد امین نوري په همکارۍ او لارښوونه د دغه ولایت ایبک ښار کې له ښاري تخلفاتو د مخنیوي په موخه څارنه وکړه.
ښاغلي مولوي حقاني لیکلي، د سمنګان ولایت سرورکاینات، کارته مامورین، امنیت ښارګوټي، گزه ملا قربان، امنیې قومانداني سړک، د پوهنتون سړک، کارته صلح، لب جر، او باغ ذخیره سیمو څخه څارنه تر سره شوه.
د نوموړي په خبره، تخنیکي ټیم یې د ایبک ښار له (۱۶) برخو څارنه وکړه او ځینې سرغړونې یې په نښه کړي دي.
نوموړی وایي، د ښاري سرغړونو مرتکبینو ته د پلان تطبیق په اړه لارښوونه وشوه او روانې چارې یې وځنډول شوې.
