د ساختماني پروژو د ستونزو د حل په موخه ناسته وشوه

1444/07/10

د کور او ښار جوړولو وزارت محترم سرپرست وزیر شیخ حمدالله نعماني د ملي پراختیا شرکت له رئيس محترم عبدالرحمن عطاش سره د ساختماني پروژو د ستونزو د حل په موخه ناسته وکړه او نظرونه یې شریک کړل.

په دې ناسته کې د هغو ساختماني پروژو د ستونزو د حل په موخه خبرې وشوې، چې د تیر حکومت په مهال یې ځینې چارې نیمکړې پاتې او یا ځیني حقوقي او تخنیکي ستونزې یې ولري.

دغه راز په ناسته کې په ځینو پروژو کې د کم کارۍ او نیمګړتیاوو د حل په تړاو هم خبرې وشوې او شته ستونزو ته د حل په لارو چارو بحث وشو.

د کور او ښار جوړولو محترم سرپرست وزیر شیخ حمدالله نعماني وویل، په یادو پروژو کې د شته ستونزو د حل په موخه باید یوه کمیټه وټاکل شي؛ تر څو ستونزې د حقوقي او تخنیکي اړخه وڅېړي او ستونزو ته د حل مناسبې لارې چارې وګوري، چې پروژې بشپړې او ګټې اخستنې ته وسپارل شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.