د زابل ولایت د کابل ۔ کندهار د لویی لارې د شاه جوی ولسوالۍ د مسجد شریف له ودانیزو چارو څارنه وشوه
۱۴۴۷/۴/۱۸
د زابل ولایت د کور او ښار جوړولو ریاست محترم رئیس ملا داد ګل مسلم وایي، د ریاست اړوند تخنیکي ټیم له لوري یې د زابل ولایت د کابل ۔ کندهار د لویې لارې د شاه جوی ولسوالۍ د مسجد شریف له ودانیزو چارو څارنه وکړه.
ښاغلی ملا مسلم وایي، د څارنې پر مهال د مسجد شریف په ځینو برخو کې د سپټیک څاه د سیخ تړلو د منارو د سیخ تړلو او قالب تړلو، د مسجد شریف داخلي او بیروني پلستر کولو او د بام عایق (د خښتو ټوټې ۔ نرمه سمنټي مصاله) د ملا امام د اطاقونو د خښتو لګولو چارې روانې وې.
نوموړی وایي، تخنیکي ټیم یې قراردادي شرکت ته سپارښتنه او لارښوونه وکړه، چې د مسجد شریف ټول کارونه باید د نقشې، قرارداد او کاري پلان سره سم په ټاکلي وخت چارې پر مخ یوسي.
د کور او ښار جوړولو وزارت په پروژو کې د کیفیت او کمیت پر خوندیتوب ټینګار لري او هڅه کوي چې چارې د شرطپاڼې مطابق په ټاکلي وخت سرته ورسېږي.
