د خوست صبریو ولسوالۍ د ښارګوټي د ستونزو د حل په موخه اقدامات وشول

۱۴۴۵/۴/۱۰

په خوست کې د کور او ښار جوړولو ریاست مسؤلین وایي، د دغه ولایت د صبریو ولسوالۍ له ښارګوټي يې لیدنه وکړه او هلته شته ستونزې یې په نښه کړې.

د خوست د کور او ښار جوړولو ریاست انجنیرانو بیا پر وخت د یاد ښارګوټي د ستونزو د حل په موخه لازم اقدامات ترسره کړل.

دغه راز د یاد ریاست انجنیرانو په دغه ولایت کې د بېلابېلو ځایونو لپاره د مهندسۍ نقشې، براورد او کروکي ترتیب کړې دي.

په ورته وخت کې د خوست ولایت د نفت او ګاز امریت په غوښتنه د درېوو پمپ سټېشنونو کروکي ترسره شوه.

د چارو په دوام، د موسی خېلو، دوه منډه، سترکوټ او قلندر ولسوالۍ د تعمیرونو لپاره ساحې هم تعین او کروکي یې ترتیب شوه.

د کور او ښار جوړولو ریاست، په ورته وخت کې د اداري کمپلکس په داخل کې د هوټل، هټیو، د بانک د تعمیر او د اوبو د یوه حوض براورد هم وکړ.

د کور او ښار جوړولو وزارت د ټول هېواد په کچه د رغنیزو پروژو براورد او ارزونه کوي، چې ټولې چارې یې معیاري او اصولي تر سره کېږي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.