د جوزجان خواجه دوکوه ولسوالۍ کې د شاري تخلفاتو مخنیوي په موخه همغږي وشوه
۱۴۴۶/۰۷/۲۹
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي ټیم یې د جوزجان ولایت خواجه دوکوه ولسوالۍ ته د د ښاري تخلفاتو پېزند او مخنیوي په موخه سفر کړی.
ښاغلی مولوي حقاني وایي، یاد ټیم په خواجه دوکوه ولسوالۍ کې د یادې ولسوالۍ له محترم ولسوال، د استخباراتو محترم مسؤل، محترم امنیه قوماندان او محترم ښاروال سره د همغږۍ او همکارۍ ناسته وکړه.
موخه دا ده چې، د یادو مسؤلینو د همکارۍ او همغږۍ په صورت کې د اړوندې ولسوالۍ پلان په ښه توګه تطبیق کېږي او د ښاري تخلفاتو مخنیوی کېږي.
یادو مسؤلینو د ښاري تخلفاتو د مخنیوي برخه کې د بشپړې همکارۍ ډاډ ورکړی او چارې به په ښه توګه ترسره شي.
د کور او ښار جوړولو وزارت هڅې پیل کړي چې، د شارونو سربېره په ولسوالیو کې هم له ښاري تخلفاتو مخنیوی وکړي
