د تخنیکي بورد نهمه ناسته وشوه

۱۴۴۴/۰۹/۲۹

د کور او ښار جوړولو وزارت د محترم سرپرست وزیر شیخ حمدالله نعماني په مشرۍ او د دغه وزارت د ښاري چارو محترم مرستیال شیخ مدارعلي کریمي بامیاني او یو شمېر رئیسانو او امرینو په شتون کې د تخنیکي بورد نهمه ناسته وشوه.

په دغه ناسته کې په بېلا بېلو تخنیکي، اداري او رغنیزو موضوعاتو خبرې وشوې او نظرونه ورکړل شول.

پر سوداګریزو سیمو د هستوګنیزو سیمو تعدیل، د ښاري تخلفاتو مخنیوی، د شته سرغړونو اصلاح او ځینې نور مهم ټکي د دغې ناسته اجنډا وه.

د پېروزي هستوګنیزې پروژې د نمرو د قېمتونو پر څرنګوالي او تعین، په خوشحال خان، خواجه رواش او قصبه هستوګنیزو ښارګوټو کې اپارتمانونو ته د شمارو ورکول، نور هغه موضوعات و چې هر اړخیز بحثونه پرې وشول.

دغه راز په ناسته کې د جامع ملي پلان او (جي، ای، ایس) ریاست د دندو لایحې په اړه هم خبرې وشوې.

د ناستې په پای کې د کور او ښار جوړولو وزارت محترم سرپرست وزیر شیخ حمدالله نعماني د هرې برخې مسؤلینو ته لازمې لارښوونې او سپارښتنې وکړې، چې د چارو په لا ښه ترسره کېدو او اغېزمنتیا کې به مهم رول ولوبوي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.