د بکخیلو ولسوالۍ لپاره ځمکه مشخص او کروکي یې تر سره شوه
۱۴۴۶/۱/۲۶
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د بکخیلو ولسوالۍ د مقام د ودانۍ لپاره ځمکه مشخص او کروکي یې تر سره شوه.
ښاغلي سیف الجهاد وویل، د پکتیکا ولایت د محترم مقام په غوښتنه یې د بکخیلو ولسوالۍ د مقام لپاره ځمګه د دې ریاست د انجنیرانو لخوا مشخص او کروکي یې تر سره شوه.
د نوموړي په خبره، تر دې مخکې د بکخیلو ولسوالۍ مقام په یوه شخصي ځمکه کې یو څه لرې موقیعت در لود، چې د نوي ودانۍ په جوړیدو به هم ولسونو ته نږدې وي او هم به د ولسوالۍ خپله شخصي ځمکه وي چې راتلونکې کې به د هر ډول ستونزو څخه خلاصه وي.
د کور او ښار جوړولو وزارت د دولتي دارو په غوښتنه دولتي تعمیرونو لپاره نقشې ډیزاین کوي وروسته یې دوی ته اختیار کې ور کوي.
