د بهسازۍ پلانونو په تطبیق سره به د غیر رسمي او غیر پلاني سیمو اوسېدونکو په ټولنیز او اقتصادي ژوند کې پام وړ بدلون رامنځته شي
ښار جوړولو او ځمکو وزارت د سکتوري ارګانونو په ځانګړې توګه ښاروالیو سره په ګډه د فاریاب، سرپل، سمنګان او پروان ولایتونو غیر رسمي او غیر پلاني سیمو ته پنځه د بهسازۍ پلانونه ترتیب چې له دا پلانونه په دې وروستیو کې د ښار جوړولو او ځمکو وزارت سرپرست وزیر محترم محمود کرزي له خوا د یاد ولایتونو د ښاروالانو او د خلکو د استازو په حضور کې منظور شول.
یاد وزارت د غیر رسمي او غیر پلاني سیمو د ثبت سربېره هڅه کوي ترڅو د بهسازۍ پلانونو په ترتیب او منظورۍ په دې سیمو کې د بهسازۍ او احیاء مجدد پروژو د تطبیق لپاره لاره هواره کړي.
د بهسازۍ پلانونو په تطبیق سره به د رسمي او غیر رسمي سیمو ترمنځ توپیر له منځه لاړ شي، د دې سیمو اوسېدونکو ته یو ډول ښاري خدمتونو وړاندې او په پایله کې دا سیمې به په ښو استوګنیزو سیمو بدل شي.
###
