د بلخ ولایت له ښاروالۍ سره د ښاري تخلفاتو مخنیوي په موخه مشورتي ناسته وشوه
۱۴۴۶/۰۶/۱۵
د کور او ښار جوړولو وزارت د ښاري تخلفاتو د مخنیوي ریاست محترم رئیس مولوي عبدالمنان حقاني وایي، تخنیکي او مسلکي ټیم یې د بلخ ولایت د محترم ښاروال، د دغې ښاروالۍ د تخنیکي خدماتو او سکتوري محترم رئیس او نور تخنیکي ټیم سره د یاد ولایت د محترم مقام د مرستیال په شتون کې مشورتي ناسته وکړه.
ښاغلی مولوي حقاني وایي، په دغه ناسته کې د ښاري تخلفاتو پېژندلو، مخنیوي او په تړاو یې د بشپړې همکارۍ او همغږۍ پر موضوعاتو خبرې وشوې.
د نوموړي به خبره، د بلخ ولایت محترم مقام مرستیال ژمنه وکړه، چې د یادو موضوعاتو د مخنیوي برخه کې به هڅه وکړي چې د ښاروالۍ او کور او ښار جوړولو ریاست ترمنځ د همکارۍ او همغږۍ روحیه لا پیاوړي کړي.
د کور او ښار جوړولو وزارت د ټولو ولایتونو له محترمو ښاروالیو غواړي چې د پلانونو په سم تطبیق کې بشپړه پاملرنه وکړي او په چارو کې د کور او ښار جوړولو له ریاست سره همکاري او همغږي ولري.
