د بغلان ولایت د ګذرګانور ولسوالۍ د اداري تعمیر د بنسټ ډبره کېښودل شوه
۱۴۴۵/۰۹/۱۷
بغلان ولایت کې د کور او ښار جوړولو محترم رئیس مولوي محمد داود نقشبندي وایي، د دغه ولایت د ګذرګانو ولسوالۍ د بنست ډبره د دوی د تخنیک ټیم تر څار لاندې کېښودل شوه.
ښاغلی مولوي محمد داود نقشبندي وایي، د بنست ډبرې اېښودو په موخه لومړنۍ اړینې چارې ترسره شوې او قراردادي شرکت ته لارښوونه وشوه چې رغنیزې چارې په ټاکلي وخت د نقشې او پلان مطابق سرته ورسوي.
نوموړی وايي، د ریاست اړوند تخنیکي ټیم یې د بغلان ولایت د خوست ولسوالۍ د تعمیر له رنګ او ترمیم چارو هم څارنه وکړه.
د کور او ښار جوړولو وزارت مرکزي او ولایتي ټیمونه له دولتي او غیر دولتي رغنیزو پروژو څارنه کوي، تر څو یې چارې باکیفیته، معیاري او مسلکي پر مخ ولاړې شي.
