د بدخشان کشم ولسوالۍ کې سوداګریز مارکېټ جوړېږي
۱۴۴۶/۰۱/۰۲
بدخشان ولایت کې د کور او ښار جوړولو ریاست محترم رئیس مولوي ولی الله اللهي وایي، د بدخشان ولایت په کشم ولسوالۍ کې یو سوداګریز مارکېټ جوړېږي، چې دوی یې د څارنې مسؤلیت په غاړه لري.
ښاغلی مولوي ولي الله اللهي وايي، د ریاست اړوند تخنیکي ټیم یې یادې ولسوالۍ ته سفر وکړ، تر څو هلته د ذکر شوې ودانۍ له چارو څارنه وکړي.
دغه پروژه چې مالک یې د بدخشان ولایت د کشم ولسوالۍ محترمه ښاروالۍ ده، دمګړۍ یې لومړنۍ ودانیزې چارې روانې دي، چې تر یو بریده سرته رسېدلي دي.
نوموړی وایي، انجنیرانو یې د یادې پروژې قراردادي شرکت مسؤلینو او انجنیرانو ته لازمې لارښوونې وکړې، چې په عملي کېدا سره به یې ودانیزې چارې معیاري او د پلان مطابق سرته ورسېږي.
د کور او ښار جوړولو وزارت په ولایتونو او ولسوالیو کې د پلان، نقشې او پروژو له ښه تطبیق څارنه کوي.
