د بامیان ولایت په کهمرد ولسوالۍ کې د آجر جومات ګټې اخیستنې ته وسپارل شو
1/2/1444
د باميانو ولايت د ښار جوړولو او ځمکو رياست د کهمرد په ولسوالۍ کې د آجر مسجد شريف ګټې اخیستنې ته چمتو او د سيمې خلکو ته يې وسپاره.
دا جامع جومات په یو وخت کې د (۵۰۰) لمونځ کوونکو ظرفیت لري چې د ښاري پلان جوړونې د انجینرانو تر څارنې او پاملرنې لاندې د ملي پراختیایي شرکت له خوا له ټولو ملحقاتو سره لکه منارې، برنډو (صوفې) او د پارکینګ ځای په پاخه او با کیفیته موادو سره بشپړ شو.
د ښار جوړولو او ځمکو وزارت د جوماتونو، کلینکونو، روغتونونو، پوهنتونونو او د دولتي ادارو د ترمیم پلان او طرحه جوړوي او بیا یې د دولتي ادارو په غوښتنه د هغې د جوړولو څارنه کوي.
