دایکنډي کې د دوه تعلیمي پروژو رغنیزې چارې پیل شوې
ښارجوړولو او ځمکو وزارت د دایکندي ولایت د سنګ تخت و بندر ولسوالۍ په شینیه قلاع کلي کې د جعفریه شپږ صنفي ښوونځي او همداراز د دې ولایت په میرامور ولسوالۍ کې د طاق مندره ۱۰ صنفي ښوونځي رغنیزې چارې پیل کړې.
د جعفریه شپږ صنفي ښوونځی په ۲۹۹ متر مربع ځمکه کې په دوه پوړونو د ۲۰ میلیونه او ۲۰۰ زره افغانیو په ارزښت او طاق مندره ۱۰ صنفي ښوونځی په ۴۲۰ متر مربع ځمکه کې د ۲۸ میلیونه او ۷۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د هېواد په کچه د ښوونځیو جوړول د ښارجوړولو او ځمکو وزارت په کاري لومړیتوب کې ځای لري او دا وزارت په پام کې لري چې د خصوصي سکټور په همکارۍ د ولایاتو په کچه د ښوونځیو جوړولو چارې ګړندۍ کړي.
###
