دايکنډي او باميان ولايتونو کې له ۱۷۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې له پيل راهيسې په باميان او دايکنډي ولايتونو کې ۱۷۹۰۰۹ جريبه ځمکه او د دولت تر استفادې لاندې عامه ملکيتونه سروې او ثبت کړي دي.
له دې ډلې څخه ۱۰۷۲۳۴ جريبه سپينه ځمکه او د دولت تر استفادې لاندې عامه ملکيتونه په باميان او ۷۱۷۷۵ جريبه سپينه ځمکه او دولتي املاک په دايکنډي ولايت کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميلیونه ۵۶۹ زره او ۱۰۲ جريبه ځمکه او دولتي املاک سروې، نقشه او ثبت کړي دي.
