جوزجان کې د ښاري تخلفاتو پېژندو او مخنیوي په موخه پرزنټېشن وړاندې شو
۱۴۴۶/۰۶/۲۴
د کور او ښار جوړولو وزارت د ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي او مسلکي ټیم یې جوزجان ولایت کې د ښاري تخلفاتو پېژندو او مخنیوي په موخه پرزنټېشن وړاندې کړ.
ښاغلی مولوي حقاني وایي، دغه پرزنټېشن په یاد ولایت کې د کور او ښار جوړولو ریاست محترمو کار کوونکو ته وړاندې شو.
موخه دا ده، چې څنګه کېدای شي په یاد ولایت کې د کور او ښار جوړولو ریاست کار کوونکي په سمه توګه د ښاري تخلفاتو مخنیوی وکړي او د یوې منظمې ښاري ودې او پراختیا لپاره تابیا ونیسي.
د کور او ښار جوړولو وزارت د خپلو کار کوونکو د کاري ظرفیت لوړولو په موخه بېلا بېل پروګرامونه تر لاس لاندې لري، چې ځینې یې پلي شوي او د پاتې نورو لپاره هڅې روانې دي.
