جوزجان ولایت کې د ښاري تخلفاتو په له منځه وړلو کار پیل شو

۱۴۴۶/۰۶/ ۲۲

د کور او ښار جوړولو وزارت د ښاري تخلفاتو مخنیوي ریاست محترم رئیس مولوي عبدالمنان حقاني وایي، تخنیکي ټیم یې د جوزجان ولایت د کور او ښار جوړولو محترم ریاست، د یاد ولایت د محترمو استخباراتو، محترم ښاروالۍ، ټولګټو چارو محترم ریاست او محترم امنیه قوماندانۍ په همکارۍ د ښاري تخلفاتو پېژندلو او مخنیوي برخه کې کار پیل کړ.

ښاغلی مولوي حقاني وایي، یاد تخنیکي ټیم د (L) او (H) پروژو په شنو ساحو کې د پلان خلاف د استوګنیزو نمرو جوړولو په موخه ځمکې وېشل شوي دي.

دغه راز نوموړی وایي، په (F) پروژه کې سوداګریزه ساحه په خپل سر او غیر قانوني په استوګنیزه بدله شوې او پلورل شوې ده.

دوی وایي، هڅې روانې دي چې د ښاري تخهلفاتو مخنیوی وشي او په تړاو یې متخلفینو ته عامه پوهاوی هم ورکړل شو.

د کور او ښار جوړولو وزارت هڅې پیل کړي چې په ټولو ولایتونو کې د پلان خلاف تعدیلات او نور ښاري تخلفات په نښه او د اړوندو ادارو په همکارۍ له منځه یوسي.