جوزجان ولایت کې د غله جاتو منډوي مارکېټ له ودانیزو چارو څارنه وشوه
۱۴۴۶/۴/۴
د جوزجان ولایت د کور او ښار جوړولو ریاست محترم رئیس ملا عبدالله فیضان وایي، د دې ریاست د تخنیکي ټیم په ملتیا یې اقچې ولسوالۍ کې د ښاروالۍ اړوند د غله جاتو منډوي مارکېټ له ودانیزو چارو څارنه وکړه.
ښاغلي ملا فیضان وویل، د اقچې ولسوالۍ د ښاروالۍ اړوند د غله جاتو منډوي د مارکېټ د درېیم پوړ د سیخ بندۍ او د تهکاو د خشتکارۍ له چارو څارنه وشوه او قراردادي شرکت ته یې لازمې سپارښتنې وشوې، تر څو د دې پروژې چارې په ټاکلي وخت ترسره کړي.
د کور او ښار جوړولو وزارت مرکزي او ولایتي ټیمونه د پروژو له چارو څارنه کوي، تر څو پروژې د نقشې مطابق په معیار برابرې ترسره شي.
